തിരുവനന്തപുരം: ദേശീയപാത സ്ഥലമെടുപ്പ് നിര്ത്തിവയ്ക്കാന് സംസ്ഥാന സര്ക്കാര് തീരുമാനിച്ചു. ദേശീയപാതയുടെ വികസനത്തിന് സ്ഥലം ഏറ്റെടുക്കുന്നതുമായി ബന്ധപ്പെട്ട് ഇന്നു തിരുവനന്തപുരത്ത് ചേര്ന്ന സര്വകക്ഷിയോഗത്തിനു ശേഷം മുഖ്യമന്ത്രി വി.എസ്. അച്യുതാനന്ദനാണ് ഇക്കാര്യം അറിയിച്ചത്. റോഡിനു മുപ്പതു മീറ്റര് മാത്രം മതിയാകുമെന്നാണ് യോഗത്തില് അഭിപ്രായമുയര്ന്നതെന്നും ഇക്കാര്യം പ്രധാനമന്ത്രിയെ ധരിപ്പിക്കുമെന്നും മുഖ്യമന്ത്രി പറഞ്ഞു. സര്വകക്ഷി നിവേദകസംഘം ഇതിനായി ഡല്ഹിയിലേക്കു അടുത്തുതന്നെ പോകും.മറ്റു സംസ്ഥാനങ്ങളില് ദേശീയപാതയുടെ വീതി 60 മീറ്ററാണെങ്കിലും കേരളത്തിന്റെ സമ്മര്ദത്തെ തുടര്ന്ന് വീതി 45 മീറ്ററാക്കാന് ദേശീയ പാത അതോറിറ്റി സമ്മതിച്ചിരുന്നു. എന്നാല് 45 മീറ്റര് വീതിയ്ക്കായി സ്ഥലമേറ്റടുക്കുന്നതും ചിലയിടങ്ങളില് പ്രശ്നങ്ങള്ക്കു കാരണമായി.കഴിഞ്ഞ മന്ത്രിസഭായോഗത്തില് നാലുമന്ത്രിമാര് തന്നെ ഇക്കാര്യത്തില് എതിരഭിപ്രായം പ്രകടിപ്പിച്ചു. തദ്ദേശ തിരഞ്ഞെടുപ്പിന്റെ പശ്ചാത്തലത്തില് ജനവികാരം എതിരാകുന്നതും കൂടി കണക്കിലെടുത്താണ് സര്വകക്ഷിയോഗം വിളിച്ചത്. മുഖ്യമന്ത്രി അധ്യക്ഷനായ യോഗത്തില് ദേശീയ പാത അതോറിറ്റി ചെയര്മാന് ബ്രിജേശ്വര് സിങ്ങും പങ്കെടുത്തു.
...എല്ലാ പ്രധാന കേന്ദ്രങ്ങളിലും സേളിഢാരിറ്റിയുടെ അഹ്ളാദ പ്രകടനം.....
No comments:
Post a Comment
THANK YOU FOR YOUR FEEDBACK